新年必備: 炆花膠冬菇豪士海參加生菜底

終於開始Blogger生活,我會開始記錄低我日常生活遇到的不同事物。

對於我黎講,煮餸一定要最方便同洗最小野為原則,所以我會儘量減小麻煩既工序。

新年到,今日下午想整花膠冬菇豪士海參加生菜底既餸,:

先準備:

1. 昨日開始先浸發花膠, 我得兩個人食,所以用兩舊細既(之前係"價真棧"買三百幾四百元一包), 昨日下午先開始將花膠同水喉水(不能有油份在內,否則會爛)一齊先煮滾再熄火,由佢自然冷卻,加蓋浸花膠要每八小時換一次水。今日起身後,見花膠軟身便可汆水,落薑同蔥煮滾,再放花膠同海參(我喺百佳買左二十元既急凍海參,唔駛浸發,只解凍再除內臟)一齊汆水後,跟住切好小舊備用。


2.今早起來先浸冬菇(媽話先用糖同SALT先一齊蒸,否則有排都未淋,但我就太LAZY,唔另外蒸,hehe.....),我之後再用生粉同油(冬菇會滑D)醃好備用,冬菇水留起備用。

3.水喉水浸一下髮菜及豪士備用。

4. 先將生菜洗淨再用滾水煮熟, 隔走水後於碟底備用。

開始:

1. 將乾葱,薑片放入鍋中炒一下冬菇及豪士,之後加冬菇水及一點豪士水煮滾後,先加蓋炆十五分鐘。

2.再將花膠及海參及適量蠔油、糖、紹興酒及生抽放入一齊炆五分鐘。

3.最後將髮菜放入一齊再炆五分鐘,可加一點生粉水。

4.熄火後再等十五分鐘便可放上準備4既生菜面便完成。